Funtzio baten limitearen kontzeptua bereganatzea ez da batere erreza, ez zeuentzako, ezta guretzako, irakasleentzako ere ez zen erreza izan ikasle ginen garaian. Ez arduratu, matematikoek mendeak behar izan zituzten funtzioa zer zen behar den moduan definitzeko, bada, pentsa limitea definitzeko.
Gero eta txikiagoak diren kantitateak, zerora hurbilduz desagertzen direnak, gero eta handiagoak diren kantitateak, infinitura doazenak...bezalako esaldiak erabiltzen ditugunean txinoz edo ari garen pentsatuko duzue; zeroak eta infinitu bihurri horrek hamaika buruhauste ematen dizkigute, eta eman zizkieten garaiko pentsalariei.
Patxadaz hartu eta saia zaitezte intuitiboki ulertzen. Intuizioak izugarrizko ahalmena du eguneroko arazoei aurre egin eta soluzio bideak zabaltzeko. Ez pentsa klasean ikasten dugun matematikak duen itxura betikoa denik; guri eta zuei produktu amaitua ematen digute. Formalizazio prozesua XIX. mendean hasi zen eta XX.ean oinarri teoriko sendoak ezarri ziren. Ordurarteko matematika intuizioz eta irudimen sortzailez janzten zen. Formalizazio prozesu hau guztiz beharrezkoa bazen ere, zoritxarrez, nolabaiteko intuizioaren galera ekarri du.
Popular Posts
-
Orain probabilitateko problemak. Ez dira batere intuitiboak: PROBLEMA 1 Hiru txanpon ditugu, bata bi aldeetatik zuriz margotuta, be... -
Pospoloak erabiliz gure Sistema Hamartarreko hamar digituak eraiki ditugu. (ikusi irudia) 0-ak sei pospolo Behar ditu, 1-ak bi, 2-ak ... -
Hiru lagunen artean litro bateko 21 botila banatu behar dira. 7 botila likidoz goraino daude beteta, 7 erdirarte bakarrik eta 7 hu... -
Felisatxo diruzale amorratuak zeuzkan txanpon guztiak 7 kutxatan gordetzea erabaki zuen. Lehenengo kutxan txanpon guztien 2/3 sartu zuen... -
Bankuko zuzendariak txanponez betetako bost kutxa jaso ditu gaur goizean. Txanpon guztiak balio berekoak dira eta bakoitzak 10 gramoko pi...
0 comments:
Argitaratu iruzkina