"Sar zaitezte matematikaren munduan, ezagutu,... usaindu, ukitu, daztatu...ez zara inoiz ere ez damutuko".

2015-09-23


Pospoloak erabiliz gure Sistema Hamartarreko hamar digituak eraiki ditugu.
 (ikusi irudia)
0-ak sei pospolo Behar ditu, 1-ak bi, 2-ak bost,...
27 idazteko denera 9 pospolo behar dira, 138 eratzeko 14, etabar.


Zein da 13 pospolorekin idatz daitekeen zenbakirik handiena? 


Soluzioa

27 iruzkin:

  1. Nire ustez 51111 da hamairu poxpoloekin egin daiteken zenbakirik handiena

    ErantzunEzabatu
    Erantzunak
    1. Oso ondo Juanma, itxura ona dauka eman duzun erantzunak, buruari gogoz eman diozu.
      Mila esker parte hartzeagatik.
      Laister partekatuko dut azalpentxo bat zuek emandako erantzunekin.

      Ezabatu
    2. Kaix,
      Ez dakit baina agian interesgarria izan zitekeen NOLA? iritsi garen erantzun horietara adieraztea, nik behintzat beti galdetzen diet nire ikasleei NOLA iritsi diren ondorio horretara.
      Kasu honetan 13 zenbakiarekin jolasten hasi nintzen, 13 lortzeko moduak kontutan hartuz zifra bakoitzak behar zituen poxpolo kopururekin.
      Alde batetik 1eko izan behar zuen zenbakiaren zifra nagusienetako bat ze poxopolo gutxi behar zituen
      2+2+2+2 8 guztira eta 13 osatzeko aukera 5ekoak ematen zuen, Gero lau bateko eta bosteko batekin lortu dezakegun zenbakirik handiena aurkitu nuen.

      Ezabatu
  2. Nire ustez 51111 da hamairu poxpoloekin egin daiteken zenbakirik handiena

    ErantzunEzabatu
  3. Baina guztiak erabili behar dira? Hamabirekin, 111.111

    ErantzunEzabatu
    Erantzunak
    1. Oso oso ondo. Orain saiatu guztiak erabiliz.

      Ezabatu
    2. "Problema bat soluzio bat" esaldia alboratzen dugunean, sormena agertzen da.
      Dotore! Bi erantzun eta biek itxura oso ona.
      Berreketa eran, besterik okurritzen zaizu?
      Mila esker parte hartzeagatik.

      Ezabatu
  4. JMGk esan duen moduan, nire ustez, 51.111

    ErantzunEzabatu
    Erantzunak
    1. Ederki! Gero eta itxura hobea soluzio honek, hiru lagun alde
      Eskerrik asko zure emaitza partekatzeagatik.
      Zer iruditzen zaizu Martak emandako bigarren soluzioa?

      Ezabatu
    2. Ez jakintasunaren ondorioa nire galdera.

      Berreketa bat, zenbaki bat bezala ulertu dezakegu? Ez al litzateke eragiketa bat?

      Ezabatu
    3. Martak emandako soluzioa berezia da; sorpresa hartu dut. Nik ebatzi dut zuk egin duzun eran, soluziobide ofiziala edo. Nire ustez onar daiteke, adibidez 81 idatzi edo 3 ber 4, bi objektuak identikoak dira matematikoki. Agian enuntziatuan esan beharko genuke eragikatarik erabili gabe.
      Baina LH-ko 5. edo 6. mailan, nik berreketaren aukera agian ez nuen aipatuko, ez dakit komenigarria den.
      Mila esker, emandako iritziagatik, oso interesgarria eztabaida sortzeko.

      Ezabatu
  5. Nire ustez 111111 zenbakia eta pospolo bat soberan geratzen da.

    ErantzunEzabatu
    Erantzunak
    1. Ederki! zuzena da.
      Baina, pospolo guztiak erabili behar badira?
      Mila esker.

      Ezabatu
  6. Erantzunak
    1. Primeran! Oso ondo Gontzal.
      Ez, ez dago tranparik. Nire ustez, tranpa duten problemak ez dira benetakoak. Holakorik ez dut jarriko. Beste gauza bat da baliogarria den beste soluzioren bat egotea, problema bera beste ikuspuntu batetik begiratzen delako. Adibidez, begiratu Martaren soluzioa.
      Eskerrik asko.

      Ezabatu
  7. Hasieran 11115 idaztera nindoan… eskerrak konturatu naizen!

    Nire erantzuna 51111

    ErantzunEzabatu
    Erantzunak
    1. Oso ederki!
      Hasieran eman behar zenuen soluzioa normala da, orden horretan erikitzen delako, 7 bateko ezinezko 14 popolo behar direlako, 6 bateko soberan pospolo 1 ezin, 5 bateko soberan 3 pospolo ezin digiturik egin eta, azkenik, 4 bateko eta 5 pospolo soberan 5a egiteko. Ahaztu barik 5a ezkerrekaldean ipini behar dela, zenbakia ahalik eta handiena izan dadin.
      Mila esker.

      Ezabatu
  8. Bost zifrako zenbakia da llor daitekeen zenbakirik handiena 13 poxpoloak erabiliz gero. Lau bateko (poxpolo bigaz sortzen baitira) eta bosta (bost poxpolo). Hortaz 51111 da zenbakirik handiena.
    Enuntziatua sinplea eta ulergarria da baina orokorraagoa den galdera planteatuko dut ea inor animatzen den:
    Zein da 2n poxpolo erabiliz idatz daitekeen zenbakirik handiena?
    Eta 2n+1 poxpolo erabiliz?

    ErantzunEzabatu
    Erantzunak
    1. 2n poxpolo erabiliz: (10 ber n -1) / 9. 2n+1 poxpolo erabiliz: [46*10 ber (n - 2) -1] / 9, n>1; n=1 ezinezkoa.

      Ezabatu
    2. Aupa Javier! Galdera polita egin duzu, lege orokor baten bila.
      Eta Martaren erantzuna, dotorea! oso,oso,...ona!
      Ointxen jarri naiz arkatza eskuan eta paper ziztrin batekin buruari ematen. Zenbakia deskonposatu, eta ondoren progresio geometriko baten n gaien batura edo erabili duzu ezta?
      Propuesta bat, denbora baldin baduzu, zergatik ez duzu ematen honen azalpena zure blogean?
      Nik bai ikasiko dudala ikastaro honetan, mila esker.

      Ezabatu
  9. 13 poxpoloak erabili behar badira, 51.111 zenbakia izango da. Baina 12 erabiliz 111.111 zenbakia lortuko dugu, eta azken poxpolo horrekin sua piztu dezakegu! jeje.

    ErantzunEzabatu
    Erantzunak
    1. Ederto!
      Hi haiz artistia hi! bigarren soluzioa asko gustau xat.
      Ikasleek, batzuetan, holako soluzio desberdinak, ustekabekoak eta iribarrea eragiten dutenak ematen dituzte. Ikusi bestela Jose Angel Murciaren bideoa "me gustan los problemas", nire blogean dago eta aste honetan plataforman ipiniko dut.
      Mila esker

      Ezabatu
  10. 13 poxpoloak erabili behar badira, 51.111 zenbakia izango da. Baina 12 erabiliz 111.111 zenbakia lortuko dugu, eta azken poxpolo horrekin sua piztu dezakegu! jeje.

    ErantzunEzabatu

Popular Posts

ESALDIAK

"Problemak kalkuluak egiteko baino pentsarazteko dira"
(Mª Antonia Canals)

Orri-ikustaldiak guztira