Nola konpara dezakegu aldeak neurtu barik bi laukizuzenen azalerak?
Neurriak hartzeko erregelarik erabili gabe, nola egiazta dezakegu irudiko laukizuzenen azalerak berdinak edo bata bestea baino handiagoa den?
Laukizuzenak nahi duzun moduan manipulatu: ikutu, mugitu, biratu,...Neurririk ez duen erregela eta arkatza erabili dezakezu, baina ezin duzu neurtu, ezta erregela markatu ere.
Geogebran egindako applet honek argituko dizu bidea. Mugitu P puntu gorria eta kokatu han eta hemen, hainbat lekutan, laukizuzen berdearen barnean, urdinean eta diagonalean:
Zer ikusten da? Ikusitakoaren arabera, konjetura bat proposa daiteke, zein?
Saia zaitez orain azalpena ematen; hau da, planteatu duzun konjeturaren egiaztapen geometrikoa emanez.
Jarraian azalpen posible bat,
AZALPENA
Bi laukizuzenak erpin batetik lotuko ditugu,
Ondoren, biak bere barnean hartzen dituen beste laukizuzen bat marraztuko dugu eta baita honen diagonala ere, irudian ikusten den moduan. Demagun P erpin komuna diagonalaren gainean dagoela,
Diagonalaz bi aldeetako poligonoen azalerak konparatuz,
Azalera 1 = Azalera 1'
Azalera 2 = Azalera 2'
Azalera 123 = Azalera 1'2'3'
Azalera 123 = Azalera 1'2'3'
(Triangeluak kongruenteak dira: 1~1' ; 2~2' ; 123~1'2'3')
Ondorioz,
Azalera 3 = Azalera 3'
Beraz, P erpin komuna diagonalaren gainean dagoenean bi laukizuzenen azalerak berdinak dira.
Zer gertatuko da P erpina diagonalaren gainetik dagoenean?
P puntua diagonalaren gainean proiektatzen badugu, laukizuzen berdearen azalera handitu eta urdinarena txikitu egiten da, bi azalerak berdintzen diren arte (aurreko kasua),
Ondorioz,
P erpina diagonalaren gainetik gelditzen denean, goiko laukizuzenaren azalera txikiagoa. Era berean, P puntua azpitik; orduan, beheko laukizuzenaren azalera txikiagoa.
Oharra: Adrian Paenzaren "Matemagia" liburua da problema honen iturburua (Adrian Paenzaren liburuak PDFan).
*****
Oso interesgarria iruditu zait!
ErantzunEzabatuProblema hau aurreneko aldiz ikusi nuenean sorgindu ninduen.
EzabatuEskerrik asko Lierni!!
Eskerrak azalpena emanda dagoen, nik ez nuke ariketa hau ebazten jakingo. Gustatu zait, gainera oso bisuala eta interaktiboa iruditzen zait ikasleekin lantzeko.
ErantzunEzabatuUpsss, ariketa ezzz!!! Problema
EzabatuProblema deigarria da. Ezagutzen dugunean beste bati proposatzeko edo erakusteko gogoa sortarazten digu.
EzabatuEskerrik asko Ainhoa!!
Beste honekin erlazio duela badirudi
ErantzunEzabatuhttps://www.youtube.com/watch?v=CkJ1g8H27nI
Eskerrik asko Igor
EzabatuMarrazketan teknikoan gune geometrikoen antzerako aplikazio bat dela iruditu zait, zeinetik bi aldetara berdin eginez azalera edo dimentsio bereko elementu geometrikoa baldintzatzen dugun.
ErantzunEzabatuAgian horrelako erabilpenen batek emango liguke ikastaro hasieran bideoetan planteatutako problemaren emaitza. Gogoan dut pi erabili gabe eztabaidatzeko zein azalerak duen dimentsio handiagoa.
https://www.youtube.com/watch?v=To2jQCwe_2M