2016-09-12

Txingurriaren ibilbidea


Irudiko forma duen alanbre baten gainean txingurri batek ibilbide bat egin behar du:



Ibilbidea markatuta agertzen diren 9 puntuetatik behin bakarrik igaroz egin nahi du. Hau da, erpin guztiak zapaldu behar ditu eta behin bakarrik.

            Lagunduko al diozu? 
            Bere nahia bete ahal izango du?
            Azaldu arrazonatuz.



 

Jarraian problema hau ebazteko estrategia bat:


 



*****

10 iruzkin:

  1. Problema honen planteamentua ez da oso argi gelditzen. Lau bide dituzten puntuetatik behin bakarrik pasa daiteke, edo bitan bakoitzean bide desberdinak erabiltzen baditugu?
    NaCl U2 Yo!

    ErantzunEzabatu
    Erantzunak
    1. Arrazoia duzu, agian ez da ondo ulertzen. "Ibilbide bat" (ez "ibilbide osoa", hau aldatuko dut) erpin guztietatik igaroz eta erpin bakoitza behin bakarrik zapalduz.
      Adibidez:
      *Txingurria erpin batetik irtengo da (erpin hau ezin du berriz zapaldu)
      *Ondoko erpin batera igaroko da (bigarren erpin hau ezin du berriz zapaldu)
      *Hirugarren erpinera doa (berriz hemendik igarotzea debekatuta)
      *...........
      *Bederatzigarren erpinean bukatu (posiblea bada)
      Konturatu gorritik beti berdera doala (eta alderantziz, berdetik gorrira).

      Ea hobeto azaldu dudan, esango didazu

      Ezabatu
  2. Erantzunak
    1. Uste dut ez dudala ondo azaldu. Bertsio berria planteatuko dut.

      Problemen planteamendu egokia ebazpena arrakastatsua izan dadin beharrezko baldintza da, nahiz eta nahikoa ez izan.

      Beste era honetan planteatuko dut, gure ikasleentzat ulergarriagoa izan dadin:

      Ikastetxeko patioan 9 zulo estaliz 9 fitxa ipini ditugu eta diagraman ikusten den moduan klarionaz margotutako marren bidez (pasabideak)lotu ditugu errekreoan jolasteko asmoarekin.

      Jolasaren helburua fitxa guztiak hartzea da pasabideetatik mugituz, baina kontuan izan fitxa bat hartutakoan ezin dela berriz fitxa zegoen lekutik igaro, zulo amaigabean eroriko ginateke eta.

      Jolasean gogoz hasi gara, baina oraindik ez dago txapeldunik, inork ez baitu lortu fitxa guztiak hartzea. Jakinminaz, matematikako irakasleari galdetu diogu eta zera proposatu digu:

      “Ipini fitxa gorriak eta berdeak, halako moldez non pasabideek fitxa gorri bakoitza fitxa berdeekin lotzen duen eta, alderantziz, berde bakoitza gorriekin. Orain, saia zaitezte azaltzen zergatik ez dagoen irabazlerik”

      Ezabatu
  3. Nik ez dut lortu problema hau ebaztea, lau bide dituzten puntuetatik bitan pasatzen naiz eta.

    ErantzunEzabatu
    Erantzunak
    1. Horixe da erantzuna. Ez da posible esandako baldintzetan ibilbidea egitea.
      Zergatik?
      Puntu gorritik berdera eta puntu berdetik gorrira igatotzen da. Zenbatu puntu gorriak eta berdeak, hortxen duzu zergatia.

      Ezabatu
  4. Nik ez dut lortu problema hau ebaztea, lau bide dituzten puntuetatik bitan pasatzen naiz eta.

    ErantzunEzabatu
  5. Buruketa honetan zailtasun handiena da argudiatzea zergatik ezin den ibilbide hori egin baldintza horiekin.Nik Batxilergoko ikasleei proposatu diet eta argudio interesanteak egin dizkidate.Batzuk inkluso buruketaren luzapena proposatu didate,hau da txingurriak nola egin dezakeen ibilbidea .Txertatuko dut erantzuna blogean sortzen dotenean.
    Oso egokia iruditu zait oso ohituta bait daude erantzuna duten buruketak egitera.Eta hori ez da horrela.

    ErantzunEzabatu
    Erantzunak
    1. Ados, horixe da gakoa, nola argudiatu edo argudiatzeko ze estrategia erabili. Nik proposatu dizuet koloreen estrategia. Orduan ibilbidea Gorritik (G) edo Berdetik (B) has daiteke: GBGBGBG... ezin jarraitu B kolorea amaituta dagoelako edo BGBGBG... ez dago jarraitzerik B kolore librerik ez dagoelako (bi kasuotan G koloreko puntu guztiak zapaldu gabe).

      Zure ikaslei proposatu eta problema luzatu egin dutela diozu, primeran!!
      Ahal duzunean argitaratu zure blogean eta partekatu mesedez.

      Eskerrik asko Idoia.

      Ezabatu